Најголем дел од гасовите се апсорбираат преку слузокожата на цревата, а потоа преку крвотокот доаѓаат до белите дробови и дишните патишта, па се исфрлаат преку устата. Помал дел од гасовите, околу 14%, се исфрла преку аналниот отвор.
Кај одредени состојби на болестите настануваат поголема количина на гасови кои тешко може да се ослободат од организмот, па тогаш се појавуваат низа проблеми како што се: чувство на тежина, подригнување, гласно кркотење на цревата, мачнина, отежнато дишење како последица на подигнување на дијафрагмата и др. Овие состојби можат да бидат прдружувани и со болки, кои настануваат кога меурите на гасот ги притискаат ѕидовите на желудникот и цревата. Надувување на стомакот може да се појави веднаш после оброкот, помеѓу оброците или во вечерните часеви.
Причини за надуеност:
- Обемни оброци, затоа што тие го продолжуваат варењето на храната.
- Голтање воздух, како последица на брзото консумирање на храната, кои најчесто се појавуваат кај нервозните особи.
- Неквалитетно џвакање на храната, што се должи на продолжено варење на храната, затоа што несварената храна доаѓа во дебелото црево каде што е изложена на ферментација.
- Консумирање течности заедно со храната за време на оброкот или непосредно по оброкот, така што доаѓа до разредување на желудникавите сокови.
- Лоша комбинација на храната (комбинација сконцентрирана на јаглени хидрати и белковини).
- Внес на газирани пијалоци.
- Земање на некои лекови.
Некои намирници се сметаат дека се природни предизвикувачи на гасови.
Најголеми предизвикувачи на гасови се: грав, грашок, брокули, кељ, прокељ, зелка, млечни производи, црн лук. соја, пржена храна, класична запршка, газирани пијалоци, топол леб и пецива. вештачки засладувачи (сорбитол).
Умерени предизвикувачи на гасови се: јаболките, морковите, целерот, модер домат, интегрални житарки, грозје, сливи.
Слаби предизвикува на гасови се: млеко и пасирани јајца.
Правила за спречување на надуеноста.
За да се спречи надуеноста би требало да се држиме кон некои правила:
- Консумирајте ги вашите оброци малку почесто, но во помали количини.
- Добро џвакајте ја храната.
- Варете го малку подолго зеленчукот, а водата во која се вари треба често да се менува.
- Применете ја постапката на пасирање на зеленчукот и овошјето како што се брокулите, целерот и морковите.
- Наместо свеж леб, користете малку отстојан леб.
