Пастрмка со кајмак

Објавено: 08/02/2010 год.

Потребни состојки:

1500 грама Пастрмка
50 милилитри Оцет
4 чешниња Лук
1 парче/чиња Лимон
50 грама Брашно
200 милилитри Кајмак
малку Сол

Време за подготовка: 30 мин.
Време за готвење: 60 мин.

Facebook Сподели

Краток текст:

Пастрмката е здрав и хранлив продукт, кој зазема важно место во урамнотежената и правилна исхрана.

Месото на рибата по својата структура влегува во диетски произоди бидејќи има помалку маснотии, холестерол и заситени масти, што истовремено значи и помала енергетска вредност. Просечната енергетска вредност изнесува 140 килокалории на 100 грама.

Пастрмката е одличен извор на есенцијални рибини масла, вклучувајќи ги омега 3 - масните киселини. Богата е со протеини, кои се потребни за нормален раст и развој. Одличен извор е на фосфор, селен и витамин Б12, Б6, ниацин и пантотенска киселина, а содржи и витамин А и Б1.

Завиден е уделот на есенцијалните аминокиселини (кои во нашиот организам се неопходни, а сам не може да ги произведе). Пастрмката е добар извор на омега 3 - масните киселини (1,1 грам на 120 грама месо), а содржи малку заситени маснотии.

Оваа риба е богата со витаминот Б12, а истовремено содржи повеќе од 10% од дневно препорачаното количество железо.

Подготвување:

Рибата се чисти, се мие и се брише со салветка.

Потоа се посолува, се накапува со сок од лимон и се остава да стои барем еден час на ладно место.

Во тава се растопува кајмакот и во него се става предходно набрашнетата риба.

Пастрмките се пржат на тивок оган.

Во меѓувреме се толчи лукот и се меша со оцетот.

Кога рибите се готови, се редат во чинија, се пеливаат со лукот и оцет одозгора, се додава остатокот од кајмакот.